Jahr 2017

E Jlöck, dat et Kölle jit! Mer sin stolz op unsre Stadt un op dat, wat die zo bede hät. Zo allereets kütt natörlich dä kölsche Dom, unser Wohrzeiche. Donoh folcht dä Fastelovend met unsere Pänz un vill andrer Saache, die för uns Jlöck bedügge: unser 86 Veedel, de Kaffebud, Kölsch, Musik & Mungkaat, Kölsche Urjesteine, Zolonische un Flora, FC un Haie, d´r Jrönjödel & d´r Rhing, unsere Unschineetheit, unsre Stammbaum met all singe Natione un noch vill mie. Öm dat Jlöck uszedrücke, troke mer als Kaminsfäjer kostümeet met, wobei mer dat Kostüm met Halsdoch, jroße Knöpp, Jödel un Hot met diversen Jlöckssymbole noch oppeppten. Unsere Handkar schmückten mer evvens met verschiddene vun Gerda Laufenberg metjestalteten Sinnbilder, die uns met Kölle un däm Jlöck verbinge.