Jahr 2015

„ Han leev ding Stadt - Allerlei durchenein met freschem Wind, dat es Kölle unser Puut“

Wat jit et schöneres, als met Hölp vun nem Kostüm, die Zuneigung, die mer all för uns Stadt häje, uszodrücke? Däm Jeföhl wullte mer met bungte Färve Usdruck verliene, denn die, wenn nit unsere Stadt, es bungk? Alsu steckte mer all Jeck*innen in en Aat Kleid us bungte Striefe. Met nem Riefe em ungere Saum vum Rock wood beim Driehe e ärch schön Färvespill produzeert, wobei dr Effekt noch durch Windrädder, die e paar vun uns droche, verstärkt wooten. Uns Jugend wor dismol fedderföhrend bei dä Wahl dä Themen, die unsere Handkaar verziere sollt, wobei et öm Saache jonn sullt, die för sie en däm Moment wichtich wore, ov för de Zokunf op däm Wunschzeddel stonn.