Jahr 2023

Mer han dat bei Jung un Alt beleevte Jesellschaffsspell op unser Stadt üvverdraache. Op nem jroße fahrbereiten Spillbrett braaten mer kölsche Stroße, Plätze un Spillfelder unger, wobei mer op verschiddene Jedanke opmerksam maaten: kein freies, sondern emmer dürer wädendes Parken, Kostenexplosion bei dä Baukoste för Oper ov U-Bahn, Usverkauf vum Vringsveedel beim Wonnungsraum, Jemeinschaffsfeld jäjen Rassismus. Jemeinschaffskaate wooten vun uns als üverjroße Spellkaate fottjeschoben. Erjänzend dozo jov et en Handcar met nem riesije Monopolspillbrett. Drömeröm wooten Jemeinschaffs- un Ereiichniskaate met verschiddene Themen usjelaht. Beim Kostüm jreffe mer op die bekannte Monopolyfijur zoröck. Dä Zylinder wood met Hüser, Hotels un Würfele verzeet. Op d`r Botz woren de bekanntesten Monopolsymbole, wie mer se för et Spill entwurfe han, avjebildet.