Jahr 2000

Su vill Knuvarbeit hatte mer noch nie zo meistern, un die einzelne Baselümcher sochen zenöks zemlich jenöchlich (bescheide) us….

Ävver dann schung am Opstellungsplaatz ( dä wor zum eeschte Mol en dr Südstadt) de Sonn – un dat Hätz jingk op:

Do stund e Corp vun Blaue Funke un e Corp vun Rude Funke, all en wieß enjepack un verschnürt, evvensu wie dr Prinzenwage met unsrem Kinderdreigestirn. Wat för e herrlich Bild!

Su jinge mer dann met 49 Deiljenommene als 32. Jrupp vun ner wieße Pulizeireiterstaffel anjeföht als kleine Rusemondagszoch em Veedelszoch durch Kölle. Dobei troke mer dä „vun Christo“ enjepackte Dom, evvensu dr Colonius un de Vringsbröck met.. Dat Wedder spillten met un mer erheelten sujar d´ 5. Plaatz!!!! Do wore mer janz doll stolz (huhpözich), denn mer woren eesch em 3. Johr dobei. 5. Platz!!! Da waren wir schon ganz schön stolz, da wir doch erst im 3. Jahr dabei waren.